వైరుధ్యం

నేను పిట్టంటాను,

నువ్వు పాతంటావు.

నేనంటాను సముద్రం,

నువ్వు లంగరంటావు

నేను రోడ్డంటాను

నువ్వు అంతరాయం కలిగిస్తావు:

రోడ్డు ఇల్లు.

నీ శరీరం ఉపరితలం

రహస్యాలు లేని, తరంగాలు లేని ఉపరితలం.

నా శరీరం ఒక రహస్యం,

నీ ఓడలన్నిటికీ విధ్వంస కేంద్రం.

నువ్వు పిట్టంటావు,

నేను తూటా అంటాను.

నువ్వంటావు సముద్రం.

నేనా పదాన్ని అలవోకగా అలలోకి వదిలేస్తాను.

నువ్వు రోడ్డంటావు.

సముద్రానికి రోడ్లుండవు.

***

స్పానిష్ : ఆన్సిఫా ఒసిన్నిక్